Seminario pa Hoben

Buscando un programa pa hoben cu por fortalece habilidad pa enfrenta reto y obstaculo den un manera positivo y cuminsa aña escolar cu motivacion y proposito?

Considera Impact Camp!

Kico ta Impact Camp?

Impact Camp ta un programa di 4 dia pa hobennan di 14 - 17 aña cu ta inclui e programa ACE (Achievement and Commitment to Excellence) Program di e organisacion Americano Educare Foundation y un dia di programa di HCLF mes.

E programa aki ta promove formacion positivo den area personal, social y academico, cual ta duna espacio pa hobennan por desaroya habilidadnan cu lo por duna nan e forsa y perseverancia pa enfrenta retonan, maneha emocion, progresa y logra nan meta den bida.

Registra

Bo kier crea un impacto como boluntario?

Bira 'Lider di Grupo'

Como 'Lider di Grupo', bo lo apoya hobennan den grupo chikito door di guia e grupo, participa
hunto cu nan, y percura pa e proceso di grupo cana bon.

Registra

Forma parti di 'Heart-Team'

Como miembro di Heart-Team, bo lo sostene for di patras di e cortina cu preparacion di espacio, materialnan, cuminda, y hopi mas. Cu bo esfuerso den Heart-Team, lo por sigura cu tur participantenan tin e miho experiencia posibel durante programa.

Registra

Impacto di ACE PROGRAM na Aruba

Den experiencia di HCLF ofreciendo ACE Program aki na Aruba, resultadonan den e delaster añanan a indica con sobresaliente e programa aki ta.

Hobennan ta raporta cu despues di a participa den e programanan a forma un imagen propio mas positivo, nan ta mas dispuesto pa coopera cu otro, a haya un aprecio pa relacion cu amistadnan mas grandi, y a desaroya habito productivo cu a mehora nan cifra na scol. Ademas di esaki, hobennan a indica cu nan a siña conoce nan mes mihor, curashi pa tuma riesgo, ta mas habri, y confia mas.

Lesa mas tocante resultado despues di ACE Program na Middag Mavo 2013/2014!

Experiencia di mayor despues di ACE Program na Aruba

Despues cu hobennan a participa den e ultimo ACE Program cu HCLF a ofrece na 2019, mayornan a raporta cambionan visibel cu nan por a mira den nan yui manera sali for di nan zona di comfortabilidad, acepta y practica expresion propio, aumento den motivacion, stima y acepta nan mes, comunica nan sintimento y necesidadnan positivamente.

Lesa mas tocante di experiencia di mayornan despues cu yuinan a participa den Impact Camp: ACE Program 2019!

Impacto di ACE Program na Merca

Na Merca, e ACE Program ta hopi conoci, en particular den e area di Los Angeles, unda EduCare foundation ta organisa e programa aki regularmente na school secundario.

Como organisacion, nan ta reporta cu despues di participa den ACE Program porcentahe di hobennan cu ta bay school regularmente (sin keda cas constantemente) a hisa pa 96% y por a remarca cu cifranan di e alumnonan a hisa particularmente den materianan manera mathematica y idioma.

Investigacion di EduCare a indica un diferencia grandi den e progreso academico for di alumno cu si a participa y esnan cu no a participa den ACE Program. Alumnonan cu a participa por a mantene mihor concentracion y motivacion durante aña escolar cual a yuda nan pa alcansa nan logro academico.

Lesa mas tocante resultadonan di EduCare foundation despues di ACE Program na Merca.

Testimonio impactante di programa

Scucha kico Sacha Geerman, 'Beleidsmedewerker' na Departamento di Asunto Social tin di comparti tocante su experiencia como 'Lider di Grupo' den Impact Camp 2019.