top of page
IMG_5224.jpg

Seminario pa Hoben

Buscando un programa pa hoben cu por fortalece habilidad pa enfrenta reto y obstaculo den un manera positivo y cuminsa aña escolar cu motivacion y proposito?

 

Considera Impact Camp!

Kico ta Impact Camp?

 Impact Camp ta un programa di 4 dia pa hobennan di 14 - 17 aña cu ta inclui e programa ACE (Achievement and Commitment to Excellence) Program di e organisacion Americano Educare Foundation y un dia di programa di HCLF mes. 

 E programa aki ta promove formacion positivo den area personal, social y academico, cual ta duna espacio pa hobennan por desaroya habilidadnan cu lo por duna nan e forsa y perseverancia pa enfrenta retonan, maneha emocion, progresa y logra nan meta den bida. 

Bo kier crea un impacto como boluntario?

IMG_3403_edited.jpg

Bira 'Lider di Grupo'

Como 'Lider di Grupo', bo lo apoya hobennan den grupo chikito door di guia e grupo, participa
hunto cu nan, y percura pa e proceso di grupo cana bon.

IMG_3389_edited.jpg

Forma parti di 'Heart-Team' 

Como miembro di Heart-Team, bo lo sostene for di patras di e cortina cu preparacion di espacio, materialnan, cuminda, y hopi mas. Cu bo esfuerso den Heart-Team, lo por sigura cu tur participantenan tin e miho experiencia posibel durante programa.

Testimonio impactante di programa

Scucha kico Sacha Geerman, 'Beleidsmedewerker' na Departamento di Asunto Social tin di comparti tocante su experiencia como 'Lider di Grupo' den Impact Camp 2019.

bottom of page